قبل الحوسة..اتعلمي تأوير الكوسة!

قبل الحوسة..اتعلمي تأوير الكوسة!




قبل الحوسة ..اتعلمي تعملي بسبوسة!




قبل الحوسة ..شوفي ناقصك ايه يا عروســــــة!!






انتظرونا












التوقيع

((وَالَّذِينَ آمَنُوا۟ أَشَدُّ حُبًّا لِّلّهِ))
-----------

أعدى أعداء الإنسان علمٌ لا تحرسه الحكمة.. ونفاذ بصر و بعد نظر لا يصونه التغافل.

-----------

حقًا : صدق الحبيب المُصطفى - صلوات ربي وسلامه عليه - إذ يقول :
" من يُرِدِ اللهُ به خيرًا ، يُفقهْهُ في الدِّين "
لو يعلم النَّاس أن من إرادة الله تعالى الخير بمن يفقهه في الدين : أنه يصبره على ما لا يصبر عليه غيرُه ، وأنه يُسعده بما لا يُسعد به غيرُه ، وأنه يرزقه بما لا يرزُق به غيرُه، لشعروا حقًا .. معنى التفقه في الدِّين.

04-07-2011, 11:46 AM رقم المشاركة : 2
قلب منيب
مراقبة


















Share on facebook Share on google Share on facebook_like



ماغلطش اللي قال:
"ماتحسبوش يا بنات أن الجواز راحة"

فعلا الجواز مش راحة

بل مسئوليات جديدة اترمت على أكتافك

بنات كتير بتتمنى تتزوج .. ومتخيلة أنها بعد الجواز هتبقى superwoman
هتنزل عليها القدرات الخارقة من
مسح وكنس و طبيخ وغسيل مواعين و ترويق الشقة

من حيث لا تحتسب


وفوق ده كله بتقوم بواجبات الزوجة المطيعة
والأم المربية

وهتعمل ده كل يوم .. كل يوم!!


الموضوع فعلا عايز تدريب من دلوقتي وأنتي لسه في بيت والدتك

من دلوقتي تبدأي تشوفي وتعملي أكلات على بعضها لوحدك
من دلوقتي قوي عضلات ايدك في تنظيف الشقة


شايفة والدتك ربنا يبارك في عمرها ؟؟
شايفة أد ايه تعبانة وشقيانة في شغل البيت ؟
شايفة ازاي بتنجز أكتر من حاجة في وقت واحد ؟؟


تخيلي أنك أنتي بقى لما هتتزوجي هتعملي كــــــــــــــل الي بتعمله والدتك ده

لوحـــــــدك !

لو الزوج ساعد في حاجة .. جزاه الله خيرًا

لكن في حاجات كتير مش هيعرف يساعدك فيها

لأنها من أدق وظائفك كزوجة ..كأنثى .. لازم تكوني بتتقني الحاجات دي

استغربت جدا كنت في زيارة لناس فكانت واحدة بتحكيلي عن واحد متزوج حديثا وكان يتيم الأم من صغره وأخته الكبيرة تزوجت وعايشة بعيد
فضل فترة لحد ماتزوج عايش على أكل كده أي كلام
وبتحكيلي أن زوجته مقضياها "أكل دليفري" رغم أنها مابتشتغلش .. وهو ياعيني غلبان وما بيدققش

فأنا في نفسي قلت:
سبحان الله .. امال هي بتعمل ايه في البيت؟

المثال ده في عرف النساء بيقولوا عليه
"ست خايبة"

وللعلم الحاجات دي أقصد "الخيابة" ما بتستخباش
يعني مفيش واحدة هتمثل أنها شاطرة وهي عكس كده
لازم هيبان في حاجة

5 دقايق تقعد معاها واحدة ست بيت "أروبة" ومخضرمة في شغل البيت وهتكشفها علطول

فمن قصيرها ما تجيبش على نفسها كلام

بلاش نكون عبء على أهالينا حتى بعد الزواج

مرة كنت بكلم ست كبيرة فبتحكيلي على بنتها أول زواجها (وبنتها دي مكنتش بتساعد في شغل البيت)
المهم بتقول كل ما تبوظ أكلة تتصل تعيط لها في التليفون
فكان تعليق الأم: وأنا هعملها ايه..هنط لها كل يوم ؟
خليها تجرب

ختاما ..

فرق شااااااسع
بين واحدة عندها همة تتعلم وبتلاحظ وبتسأل عشان تجرب بنفسها وتعمل
دي فيها خير كبير ومسيرها تتعلم وتبقى أستاذة في شغل البيت


وبين واحدة راضية بخيابتها وبتحاول تأقلم نفسها وتأقلم اللي معاها عليها

بجد ماينفعش !

دي كانت نصيحة من أخت كبيرة لكم
رغم أني شديت في الأسلوب شوية .. فسامحوني
لكن قلت ألحقكوا
قبـل الحوســــــــــة ..!







التوقيع

((وَالَّذِينَ آمَنُوا۟ أَشَدُّ حُبًّا لِّلّهِ))
-----------

أعدى أعداء الإنسان علمٌ لا تحرسه الحكمة.. ونفاذ بصر و بعد نظر لا يصونه التغافل.

-----------

حقًا : صدق الحبيب المُصطفى - صلوات ربي وسلامه عليه - إذ يقول :
" من يُرِدِ اللهُ به خيرًا ، يُفقهْهُ في الدِّين "
لو يعلم النَّاس أن من إرادة الله تعالى الخير بمن يفقهه في الدين : أنه يصبره على ما لا يصبر عليه غيرُه ، وأنه يُسعده بما لا يُسعد به غيرُه ، وأنه يرزقه بما لا يرزُق به غيرُه، لشعروا حقًا .. معنى التفقه في الدِّين.