ازاى تعرفى تدافعى عن نفسك (مهم جداااا)<<

طبعا في ظل الظروف الحالية و الرعب اللي احنا عايشينه
عايزين نعرف كلنا ازاي نقدر نحمي وندافع عن نفسنا
عايزين نعرف نقدر نعمل ايه علشان نحمي نفسنا بقدر الامكان
وربنا يسترها معانا



اولا :::
و قبل كل شيء ربنا هو الحافظ
((فالله خير حافظا وهو أرحم الراحمين))
لازم نقرأ اذكار الصباح والمساء بانتظام..
و نقول ادعية الخروج ونداوم عليها وربنا يحفظنا من كل مكروه .


ثانيا :::
حافظي علي نفسك بارتدائك لزيك الشرعي اللي ربنا أمر بيه ..علشان متغريش ضعاف النفوس بالتعرض ليكي.


ثالثا :::
بقدر الامكان خليكي في صحبة حتى لو كنتي متعرفيهمش امشي قريب منهم علشان المجموعة بتخوف اي حد انه يقرب .

رابعا :::
لو هتتأخري بالليل حاولي تتفقي مع والدك او اخوكي او زوجك انه يعدي عليكي ياخدك من اقرب مكان هتكوني فيه .

خامسا :::
احتفظي بالاشياء المهمة في جيوبك ..مثلا:
(الموبايل..النقود..المفاتيح..البطاقة...الخ)
و احرصي ان تستخدمي ملابس لها جيوب بحيث تكون حقيبة اليد مجرد مظهر ولا تحتوي على شيء هام صعب تعويضه اذا تعرضت للسرقة لا قدر الله


سادسا :::
احترسي من المتسولين بكافة اشكالهم حتى لو واحدة معاها عيل او واحدة تقولك اركب ايه يوصلني فين و الكلام ده . انا عارفة ان الموضوع ده هيكون صعب في االبداية لأننا بطبيعتنا شعب متعاطف و بيصعب علينا اننا منساعدش الناس بس للاسف مفيش حد مضمون دلوقتي وتوقعي اي حاجة من اي حد .

سابعا :::
دربي نفسك في البيت على الهدوء و عدم الفزع لو تعرضتي لأي موقف لا قدر الله لأن الفزع هيخليكي مش عارفة تتصرفي و كمان اللي قدامك هيعرف كده و هيستغله .

ثامنا :::
خلي عينك في وسط راسك زي ما بيقولوا ولو حسيتي بأي حركة مريبة تنبهي لو الموضوع ممكن تتصرفي فيه بنفسك (تحرش في الموصلات مثلا ) استخدمي دبابيس الايشارب علشان تردعي اللي قدامك لكن لو لقيتي الموضوع ممكن يتطور لأكثر من كده اصرخي لطلب المساعدة و الموضوع ده هيخلي الناس تتلم بسرعة

تاسعا :::
لو لا قدر الله حسيتي بإن حد بيحاول يخليكي تشمي مخدر توقفي فورا عن التفس و اضريبه و حاولي الهرب ..

عاشرا :::
مستخدميش اي سلاح للدفاع عن النفس الا لو كنتي متدربة على استخدامه كويس و عارفةازاي تقدري تحافظي عليه.. لأنه و ببساطة ممكن يتاخد منك و يستخدم ضدك زي صاعق الكهرباء و المطواة و مسدس الرش . لو عايزة تستخدمي حاجة و انتي مش متدربة استخدمي رذاذ الفلفل او الاسبراي و الولاعة و طبعا القصافة بالسلاح بتاعها ومبرد الاظافر المعدن و..و..

و ربنــــا يحمـي بناتنـــا يااااااارب
منقول يا قمرات انا جبته عشان نستفيد كلنا
وربنا يحظفنا وجميع بنات المسلمين
في أمان الله....