للبنات وبسسسس !!

للبنات وبسسسسسسس!!


زهقانة ؟؟

حاسه انك مخنوقه ؟؟

مش حاسه بطعم للحياة ؟؟

طيب تعالي بينا نطلع رحلة إلى........؟؟؟

تحبي تطلعي رحلة فين ؟؟

ايه اجمل مكان شفتيه فى حياتك ونفسك تروحيه؟؟

طيب تعالي نحلم سوا ..

و أي حلم؟!

ده أحلى حلم في حياة كل واحد فينا..

هخدك معايا مكان مختلف تماما..

مكان كل الناس سعيدة فيه

الوجوه غير الوجوه

حتى الابتسامة غير الابتسامة

الكل فرحان ومبسوط ومرتاح البال

لا شقااااااااااااااااااااء

مكان كله حب فى حب .. الحب الحقيقي بجد..

هاخدك و نروح الجنة ....

و مهما حلمنا و حاولنا نتخيل الجنة

مش هنقدر نتخيل !

عارفة ليه؟؟

لأن فيها ما لا عين رأت و لا أذن سمعت و لا خطر على قلب بشر!!

بس احنا بنحاول نحفرها في قلوبنا

وبدعي ربنا أن يرزق كل من يقرأ كلماتي الجنة بلا حساب و لا سابقة عذاب


عارفة حبيبك النبي صلى الله عليه وسلم وصفلنا بعض نعيم الجنة ليه ؟

علشان نشتاق ليها بقلوبنا ونجتهد علشان نفوز بيها

قال رسول الله صلى الله عليه وسلم:
يقول الله عز وجل: أعددت لعبادي الصالحين ما لا عينٌ رأت، ولا أذن سمعت، ولا خطر على قلب بشر, ثم تلا النبي صلى الله عليه وسلم قول الله عز وجل:
فَلا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ [السجدة:17])

ما لا عين رأت ..حاجه مفيش حد قبل كده شافها ولا حتى فى الخيال!

ما لا اذن سمعت.. اصوات جمييييييلة وموسيقى أغاني وألحان عمرك ما سمعتيها ولا حد سمعها قبل كده لأنك طهرتِ سمعكِ عن الاغاني الحرام فى الدنيا فربنا أبدلك ألذ و أجمل منها فى الجنة ..

ولا خطر على قلب بشر..يعني مفيش حد يقدر يتخيل..!

اصل ربنا هو اللى اعدها.. تخيلي بقى دي تبقى عامله ازاي؟؟

يعني جو تاني

حياة تانية

النبي عليه الصلاة و السلام و الصحابة حطوا الجنة قدام عنيهم

عشان كده قدروا يستحملوا مرارة الحياة و ابتلاءاتهم

مين فين اللى هيصبر زيهم علشان يفوز بيها؟؟

ياللا بينا نروح الجنة ....

أهل الجنة

أهل الجنة متميزين جدا في الآخرة زي ما كانوا متميزين جدا في الدنيا

كانوا متميزين في الدنيا برضاهم بأوامر ربنا سبحانه و تعالى
يعرفوا ان دا حرام يتركوه
و دا فرض يعملوه

أول ناس داخلين الجنة النبي صلى الله عليه وسلم وصفهم بالقمر ليلة البدر

مش نفسك تكوني بدر يوم القيامة؟؟

بدر في الدنيا بحجابك و عفتك

و يوم القيامة بدر من أول الناس اللى هتدخل الجنة

و الناس اللي وراهم نورهم كنور كوكب دري.. نورهم زي نور الكواكب فى السما ..

انتي متخيلة؟؟

كانوا نور للناس في الدنيا و في الآخرة ربنا جعلهم نور على وجوههم

أختي في الله...

كوني نورا في الدنيا بحجابك الصح يرزق الله نور الآخرة

حبيبك بيوصفلك أهل الجنة وبيقول صلى الله عليه وسلم :

إن أول زمرة يدخلون الجنة على صورة القمر ليلة البدر , والذين يلونهم على أشد كوكب دري ، في السماء ، إضاءة , لا يبولون ولا يتغوطون ولا يمتخطون ولا يتفلون ,أمشاطهم الذهب ,ورشحهم المسك , ومجامرهم الألوة , وأزواجهم الحور العين , أخلاقهم على خلق رجل واحد , على صورة أبيهم آدم , ستون ذراعا ، في السماء

مفيش في الجنة بول و لا غائط

بل بيخرج على الأجساد مسكا..سبحان الله!

لأن الجنة حياة مختلفة نعيم أبعد أن يتصوره عقل أو يدركه قلب
حتى الأمشاط اللي بنسرح بيها شعرنا في الجنة من ذهب!

طيب لو جينا لـ "ممكلتك" في الجنة..."بيتك"

بيتك في الجنة بيت مش عادي لأنك كني فى الدنيا بنت مش عادية

لبنة من فضة و لبنة من ذهب و ما بينهم مسك

حتى الحصى من الياقوت و اللؤلؤ

عايزك تتخيلي معاي بيتك

مملكتك في الجنة

بصي حبيبك النبي صلى الله عليه وسلم وصفلك بيتك بإذن الله ازاي

قال رسول الله صلى الله عليه وسلم

الجنة بناؤها لبنة من فضة ، ولبنة من ذهب ، وملاطها المسك الأذفر ، وحصباؤها اللؤلؤ والياقوت ، وتربتها الزعفران ، من يدخلها ينعم لا يبأس ، ويخلد لا يموت ، لا تبلى ثيابهم ، ولا يفنى شبابهم

خلود ..مفيش موت !

نعيم .. مفيش بؤس !

مش هتشيلي هم حاجة و لا هم مشكلة و لا تأخر رزق و لا أي هم

كل اللي انتِ عايزاه في الجنة بإذن الله هتلاقيه

طيب لو جينا لجمالك في الجنة ..هيبقى شكله ايه؟؟

فوق أي جمال !!

ربنا سبحانه و تعالى وصف حور العين فقال:

فِيهِنَّ خَيْرَاتٌ حِسَانٌ * فَبِأَيِّ آلاءِ رَبِّكُمَا تُكَذِّبَانِ * حُورٌ مَقْصُورَاتٌ فِي الْخِيَامِ * فَبِأَيِّ آلاءِ رَبِّكُمَا تُكَذِّبَانِ * لَمْ يَطْمِثْهُنَّ إِنْسٌ قَبْلَهُمْ وَلا جَانٌّ * فَبِأَيِّ آلاءِ رَبِّكُمَا تُكَذِّبَانِ * مُتَّكِئِينَ عَلَى رَفْرَفٍ خُضْرٍ وَعَبْقَرِيٍّ حِسَانٍ * فَبِأَيِّ آلاءِ رَبِّكُمَا تُكَذِّبَانِ * تَبَارَكَ اسْمُ رَبِّكَ ذِي الْجَلالِ وَالإِكْرَامِ
[الرحمن:70-78]

الحورية جمالها يفوق أي وصف

طيب انتي؟؟

هتبقى اجمل من الحور العين فى الجنه !



و الجنة كل أهلها شباب

يعني أنت ملكة في الجنة

فكوني ملكة بحجابك في الدنيا

ماتضيعيش سعادة الآخرة

سعادتك بكونك في جنة الرحمن

سعادتك بقصرك

سعادتك بجمالك

و سعادتك بحب زوجك في الدنيا

خليكي مختلفة..

في الدنيا بحجابك الصحيح وبزوج صالح

و في الآخرة بنعيم الجنة

احنا مش عايزين ندخل الجنة وخلاص !

احنا عايزين اعلى درجات الجنة ..

عايزين الفردوس الاعلى ..

اصل الجنة درجات ..

وطالما عايزين اعلى درجة ..

يبقى لازم نتعب شوية ونصبر علشان نفوز بيها..

زي الطالب اللى بيقعد يذاكر ويسهر ويتعب ..

بس كله بيهون لما بيلاقي نفسه اخر السنة من الأوائل..

النبي صلى الله عليه وسلم حكالنا عن أعلى و أدنى منازل الناس في الجنة

قال رسول الله صلى الله عليه وسلم:

سأل موسى ربه فقال : يا رب ما أدنى أهل الجنة منزلة ؟ قال : هو رجل يجيء بعدما يدخل أهل الجنة الجنة فيقال له : ادخل الجنة ، فيقول : أي رب كيف وقد نزل الناس منازلهم وأخذوا أخذاتهم ؟ فيقال له : أترضى أن يكون لك مثل ملك ملك من ملوك الدنيا ؟ فيقول : رضيت رب ، فيقول : لك ومثله ومثله ومثله ، فقال في الخامسة : رضيت رب ، فيقول هذا لك وعشرة أمثاله ولك ما اشتهت نفسك ولذت عينك . فيقول رضيت رب ! قال : رب فأعلاهم منزلة ، قال أولئك الذين أردت ، غرست كرامتهم بيدي ، وختمت عليها فلم تر عين ، ولم تسمع أذن ، ولم يخطر على قلب بشر

انا عايزك تتخيلي معايا ..

حاولي تتخيلي..

أدنى أهل الجنة منزلة ..اقل واحد خااالص فى الجنة..

دا حد صُرف عنه عذاب جهنم خرج منها - ربنا يصرف عنا عذاب جهنم - و داخل الجنة

انتي متخيلة ربنا انعم عليه بايه فى الجنة ؟؟

قد ملك الدنيا دي كلها ومثله ومثله ومثله وزيهم عشر مرات !!

ايه ده؟؟

ده اقل واحد منزلة فى الجنة ؟؟

ما بالك بقى بأعلى واحد منزلة؟؟

ودول ربنا سبحاانه و تعالى غرس كرامتهم بيده
ربنا يجعلنا منهم

و يجعلك بحجابك و عفتك منهم...




نيجي لأعظم نعيم في الجنة

أجمل نعمة في الجنة

تشوفي حبيبك

ربك اللي تعبتي علشانه ..وصبرتي علشانه

صبرتي على أي كلمة عشان حجابك

ربك اللي سبتي كل حاجة غلط عشانه

أعظم نعيم في الجنة

رؤية الملك

قال تعالى

وُجُوهٌ يَوْمَئِذٍ نَاضِرَةٌ * إِلَى رَبِّهَا نَاظِرَةٌ
ٌ[القيامة:22-25]

قال رسول الله صلى الله عليه وسلم

إذا دخل أهل الجنة الجنة ، وأهل النار النار ، نادى مناد : يا أهل الجنة إن لكم عند الله موعدا يريد أن ينجزكموه ، فيقولون : وما هو ؟ ألم يثقل الله موازيننا ، ويبيض وجوهنا ، ويدخلنا الجنة ، وينجنا من النار ؟ فيكشف الحجاب ، فينظرون إليه فوالله ما أعطاهم الله شيئا أحب إليهم من النظر إليه ولا أقر لأعينهم

يآآآآآآآآآآآآآآآآآآآآآآآآآآآآآآآآآه..

مفيش شئ في الجنة احب ولا اروع من رؤية وجه الملك سبحانه وتعالى...

ربنا يرزقني و إياكِ رؤية وجهه الكريم..ور ضاه الأبدي عنا

وقبل ما نسيب الجنة ونرجع ..

عايز أشوق قلبك بهذا الحديث

قال رسول الله صلى الله عليه وسلم:
إن الله تبارك وتعالى يقول لأهل الجنة : يا أهل الجنة ؟ فيقولون : لبيك ربنا وسعديك ، فيقول : هل رضيتم ؟ فيقولون : وما لنا لا نرضى وقد أعطيتنا ما لم تعط أحدا من خلقك ، فيقول : أنا أعطيكم أفضل من ذلك ، قالوا : يا رب ، وأي شيء أفضل من ذلك ؟ فيقول : أحل عليكم رضواني ، فلا أسخط عليكم بعده أبدا

========

بعد كل اللى قراتيه وتخيلتيه ده ؟؟

ممكن تبيعي كل دا بإيه؟؟

مين اللى يستاهل وايه اللى يستاهل فى الدنيا دي كلها؟؟؟

عايز اتكلم معاكي شوية عن شئ مهم جداااااااا في حياة كل مسلمة..

شئ بيميز أي بنت مسلمة عن بنات الكون كله..

عايز اتكلم معاكي عن حجابك ..

يوووووووووووووووووه !!

تاني عن الحجاب !!

طب ما أنا محجبة !!!!!

يا تري انتي فعلا محجبة ؟؟

احنا منقدرش نقول لأ..

لان فعلا فيه حاجة ملفوفة حوالين شعرك...

بس للأسف صعب تحكم عليه أنه "حجاب"

وقبل ما أكمل كلامي..

اولا :لازم تعرفي ان ربنا يريد بيكي الخير ..ايوه ..علشان سهّـل ان الكلام ده يوصلك وتقرأيه .. بنات غيرك كتير ممكن ميوصلهمش الكلام ده ويضيعوا آخرتهم وهما مش حاسين وفاكرين انهم ماشيين صح!..
فالحمد لله ان ربنا بعتلك اللى يذكرك ..

ثانيا: اوعي تزعلي مني ..او من الكلام..أصل ده مش كلامي ..ده كلام ربنا سبحانه وتعالى والنبي صلى الله عليه وسلم اللى حبهم بيجرى فى دمي ودمك .. ولاا انتي مش بتحبي ربنا والنبي صلى الله عليه وسلم؟؟
يبقى لازم نتفق ان اى حد بيحب حد يبقى لازم يحب كلامه ويسمعه..


انا عايز انهارده اكلم كل أخت مكتوب فى خانة الديانة فى بطاقتها مسلمه ..

واقولها يا اختى ياللى بتصلى وبتصومى وبتطيعي ربنا..

بس...........حجابك لسه مش كامل ..

الحجاب يا اختي مش مجرد طرحة بتتلف على الرأس وخلاص..

الحجاب يعني لبس البنت المسلمة ككل..

كلمة "حجاب" أصلا يعني بيحجب...بيمنع.. يعني بيغطي...

وده مش متوافر في لبس البنات زي ما انتي شايفة ؟؟!

طب تعالي نفكر كده ونشوف...إيه هو الهدف من الحجاب ؟؟ إيه لازمته ؟؟

المفروض أنه يحمي البنت المسلمة ويعفها ويمنع عنها ذئاب البشر وأي أذى ..

وكمان علشان نحمي شباب المسلمين من فتنة النساء...الشباب اللي عينيهم اتدمرت من كتر النظر للبنات...

وربنا هو اللى فرض الحجاب .. وهو اعلم بينا وبمصلحتنا وباللى فيه الخير لينا..

واللى بيخالف أمر ربنا .. يبقى يستاهل عقابه؟

الموضوع خطير والله ..

انا عايزك تخافي على نفسك..!

انتى فاكره نفسك ماشيه فى طريق الجنه وانتى والله مش هتقربيها ولا حتى هتشمى ريحتها إلا أن تتوبى ..!!

***********
وأنا أمنية حياتي إن أوصّـل لكل بنت مفهوم الحجاب ..

نفسي كل بنت مسلمة تعرف هي ليه محجبة ؟؟؟؟؟؟

الغرض من الحجاب يا أختي هو :

" ستر زينة المرأة "


قال الله تعالى : ( وَلا يُبْدِينَ زِينَتَهُنَّ ) سورة النور:31


يعني إيه ؟؟؟

يعني وإنتي نازلة تشتري لبس ، تختاري اللبس اللي يداري جمالك ومفاتنك مش يزينك أكتر في عيون الشباب !!

يعني وإنتي واقفة قدام المراية قبل ما تخرجي وبتظبطي حجابك ، المفروض نيّـتك تكون هي إخفاء وستر الزينة ، مش إنك تزيني نفسك أكتر في عيون الشباب!

يعني المفروض تدخلي على النت تدوري على اكتر لفة حجاب تسترك ومتخليكيش تلفتي نظر حد ..
مش ادخل ادور على الخمار الماليزي والطرحة الاسباني وأحدث لفة تخلي الكل يقول ده بنت جامدة جدا واستايل اخر حاجة !!

**********

طيب انا بكلمك ليه؟؟؟؟

انا لما اشوف اختى ماشيه وقدامها حفره وهتقع فيها وهى مش واخده بالها لازم احذرها ..؟؟

بعد كده لو وقعت في الحفرة يبقى هي اللى اختارت بايديها !!

=====

رسالة الى كل بنت مسلمة..

والى كل أخت فى اى مكان ..

الى كل اخت بتصلى وبتصوم وبتقرا قرآن وفاكره ان لبسها محترم ..

بقولها يا اختى مفيش حاجه اسمها لبس محترم ولبس مش محترم ..!
مفيش حاجه اسمها بنطلون واسع وبنطلوق ضيق ..
مفيش حاجه اسمها بنطلون وفوقه فيست..
مفيش حاجه اسمها بدى لوحده وبدى فوقه بلوزه..


فيه حاجه اسمها الزى الشرعى الاسلامى كما وصفه الله ورسوله..

وده اللى هنعرفه باذن الله..

انا هكلمك انهارده ..ولو شديت عليكى متزعليش ..

لانى خايف عليكى ..

انا ممكن اضحك عليكي بكلمتين زي احد حد مش خايف عليكي ومش خسران حاجه لما يجاملك ويقولك انك كده كويسه واحسن من غيرك اللى كاشفه شعرها واللى نسيت تلبس اصلا !!

ده الرسول نفسه عليه الصلاه والسلام خايف عليكى وقالك
(يا معشر النساء تصدقن وأكثرن الاستغفار فإني رأيتكن أكثر أهل النار)

عايز اعرف منك يا اختي ايه اللى السبب فى لبسك ده ؟؟

مستنيه ايه علشان تلبسى اللبس الشرعى ؟؟؟؟

مستنيه ايه؟؟

مستنيه موت الفجأة يجى ياخدك وتقابلى ربنا كده؟؟

يا اختي انا خايف ان تيجى واحده يوم القيامه تقول انتو مكلمتونيش

بنتك .. اختك.. امك.. تيجى تقولك انت محذرتنيش ليه؟؟


وهنا هترد بنت طيبة وهتقول : هو الموضوع خطيير للدرجه دى يعني؟؟؟ ما كل البنات والستات لابسين كده !
معنى كده ان كلهم هيدخلوا النار يعني؟!



ما انا لسه قايلك ان النبي قال ان النساء اكثر اهل النار!

تعالي نشوف لبسك ده ممكن يوديكي فين؟


انتى عارفه يا اختى ..

لو نزلتى الشارع و100 واحد بس نظر ليكي ..بـ 100 سيئه مفيش مشكله !

لو نزلتلى الجامعه والف واحد بس من الالوف اللى موجودين فى الجامعة نظلر ليكي.. كل واحد نظر ميه نظرة هيطلع بس100000 سيئه

لو واقفه مع شلة فى الجامعه ساعة ولا ساعتين كل واحد نظر ليكي 100 نظرة

ده غير لو شاب من الشباب اياهم اللى عينهم هيئه ارصاد جابك من فوقك لتحتك ربع ساعه يعنى كمان الف نظرة..

لو نزلتى تتفسحى بالليل وكل واحد من شباب بالليل بقى اللى ميتوصوش مش هنقول نظر ليكي عشرين نظرة ..هنقول عشرة بس..

هترجعى البيت بكام سيئة؟؟؟؟

كل ده ولا حاجه!!!

ده انتى لسه قبل ما تنزلى وقفتى قدام المرايه ساعه ولا اتنين تعدلى الطرحه وتلفيها فوق وتحت وتحطي عشر طرح فوق بعض وتحطى حبة مكياج خفيف على حبة روايح وكله بحسابه..!!

وبعدين ..نزلتى الشارع..

واحده فى اعدادى شافتك قالت انا هطلع زيك فى ميزانك..!

شاب ملتزم شافك انتكس فى ميزان سيئاتك..!

شاب شافك شهوته ثارت راح عمل عاده سيئه فى ميزان سيئاتك..!

واحد تانى لما شافك راح اتجوز عرفى فى ميزان سيئاتك..!

واحد تانى لما شافك راح زنا فى ميزان سيئاتك..!

واحد تانى لما شافك نفسه اتفتحت قعد يبص على اللى الرايحه واللى جايه طول الليل فى ميزان سيئاتك..!

واحده ملتزمه لما شافتك اتفتنت بنظر الناس ليكى خلعت الجاب فى ميزان سيئاتك..!

بنتك لما تكبر وتشوف صورك وتقول انا هطلع زيك يا ماما فى ميزان سيئاتك..!

اعداء الاسلام لما يشوفكى انتى وبنات المسلمين بالمنظر ده ويفرحوا يبقى انتى شمتى اعداء الاسلام فى الاسلام فى ميزان سيئاتك..!

ايه ده كله ؟؟!!

كل ده يجيله كام سيئه ؟؟؟

مليون سيئة على الاقل فى اليوم..!!!

طيب ده انتى بقالك 5 سنين بالمنظر ده ..

هنقول 2000 يوم × مليون سيئه = كاااااااااااااااام ؟؟؟؟

ده احنا بقينا بنتكلم فى مليارات سيئات دلوقتى..!!!

والعداد شغال طول ما فساتينك ولبسك فى دولابك إلا أن تتوبى..

بالله عليكي فووووووووقى بقى !!

*****

طيب حكم الله وسوله صلى الله عليه وسلم فيكى ايه ؟؟

بلبسك اللى انتي مستهزئه بيه ومش حاطه اهمية ليه النبي قال انك :




من اهل النار ولن تقربي الجنه ولا تجدي ريحها..1

(قال الرسول صلى الله عليه وسلم " صنفان من أهل النار لم أرهما ، قوم معهم سياط كأذناب البقر يضربون بها الناس، ونساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة و لا يجدن ريحها ، وإن ريحها يوجد في مسيرة كذا وكذا ")

عارفه كاسيات عاريات يعني ايه؟؟

كاسيات عاريات : يعنى لابسه وساتره نفسها ومفيش أي حاجه من جسمها ظاهره ..بس لبسها ضيق مبين جسمها كله فكأنها مش لابسه ..
زي اللى بشوفه دلوقتي من لبس البنات
(بديهات وفيستات وبناطيل اسكني
واسترتشات وبناطيل جينز)

مائلات : يعنى مائلات عن طاعة الله عز وجل ..
مُميلات : مُميلات في مشيتهم، مُميلات لقلوب الشباب
رؤوسهن كأسنمة البخت المائلة : يعنى بتلف شعرهاكحكة فوق راسها أو تحط توكة كبيرة أو تلبس 10 طرح فوق بعض علشان تنفخ الحجاب ، وده بيبقى عامل زي سنام الجمل زي ما النبي صلى الله عليه وسلم قال ..

والرسول حطك مع الناس الظلمه اللى بيضربوا الناس بالكرابيج ليه ..علشان انتو اللى اتنين بتحطموا فى الامه...بتترتكبوا جريمه..

اعدائنا عرفوا ان الامه مش هتتدمر بالقنابل ..بل بكأس وغانيه..

ترضى انك تبقى قنبله تنفجر فى الدين..

ترضى انك تبقى سكينه ينطعن بيها كبد الدين ؟؟؟

اديكى رضيتى..!!!

********

ملعونه مطروده من رحمة الله..2

قال رسول الله صلى الله عليه وسلم :
(سيكون في آخر أمتي رجال يركبون على سروج كأشباه الرحال ،ينزلون على أبواب المساجد ،نساؤهم كاسيات عاريات ،على رؤوسهن كأسنمة البخت العجاف ،العنوهن فإنهن ملعونات )
(لعن الله النامصه والمتنمصه)
(لعن الله الرَّجُلَة من النساء)

والنامصة : هي التي تزيل أو تنتف أو ترقق من شعر الحاجبين ..اللي بتعمل كده ملعونة !! وما أكثرهن !!!!

ترضى كده؟؟

انتي عارفة اللعنة يعني ايه؟؟؟

اللعنه يعنى الطرد من رحمة الله

ده اى حد فينا يتمنى اقل جزء من رحمة ربنا ..

هو احنا اصلا هندخل الجنه غير برحمة ربنا ؟؟

اديكي بلبسك ده بقيتى ملعونه وطردتي نفسك من رحمة ربنا ..!!

ليه كده ؟؟؟

مين اللي يستاهل وايه اللي يستاهل؟؟؟

*****
زانيه ولا يقبل منها صلاه..3

قال رسول الله صلى الله عليه وسلم :
(أيما امرأة استعطرت فمرّت بقوم ليجدوا ريحها فهي زانية)
(ما من امرأة تخرج إلى المسجد تعصف ريحها فيقبل الله منها صلاة حتى ترجع إلى بيتها فتغتسل)

زانية !!
وكمان الصلاة مش مقبولة !!

يا نهااااار !!

ترضى تبقي زانية علشان شوية برفان وروايح !

فيه بنت عاقلة في الدنيا ترضى بكده ؟؟!

****
منافقة ومن شر هذه الامة..4

(خير نسائكم الولود الودود المواسية المواتية إذاً اتقين الله وشر نسائكم المتبرجات المتخيلات ، وهن المنافقات ، لا يدخل الجنة منهن إلا مثل الغراب الأعصم)

****
من صاحبات الكبائر التى تعادل القتل..5

اميمه بنت رقيقه عندما جاءت تبايع النبى قال لها ابايعك على ان لا تشركى بالله شيئا ولا تسرقى ولا تزنى ولا تاتى ببهتان ولا تبرجى تبرج الجاهليه..

يعنى النبي صلى الله عليه وسلم حط التبرج مع بقيه الكبائر ..

يعنى لو رسول الله شافك دلوقتى مش هيرضى يبايعك..!!

ترضي بكده؟؟!!

*****
جند من جنود الشيطان فى الارض...6

قال رسول الله صلى الله عليه وسلم :
(المرأة عورة فإذا خرجت استشرفها الشيطان)


يعني الشيطان بيفرح اول ما تخرجي بالمنظر ده ..

بتوفري عليه كتير اوي فى اضلال الشباب..!!

*****

عمرك شفتى ذنب الرسول بيعظم خطورته قد كده ؟؟؟؟؟

انت اكيد بتهرج!!

انا عمرى ما سمعت الكلام ده قبل كده!!

للدرجه دى !!

للدرجه انى ممكن ريحة الجنة حتى مشمهاش!!

مستنيه ايه بقى ؟؟

مستنيه عقوبه ربنا فى الدنيا ؟؟؟

ولا مستنيه سوء الخاتمه؟؟

ولا مستنيه عقوبه ربنا فى القبر..؟؟

ولا مستنيه اهوال يوم القيامه؟؟

ولا مستنيه عقوبه ربنا فى النار؟؟

مستنيه ايه؟؟؟

ده انت هتتحجبى غصب عنك حجاب شرعى كااااااااااااااااامل وانتى داخله قبرك..

خمس او ست لفات كفن ملفوفه فيهم ..

وممكن تحجبيه فى الدنيا لو لا قدر الله اصبتى بحرق ولا حاجه هتبقى عايزه اى حاجه تدارى بيها الحرق ده ..!!!

البسيه حباً قبل ما تلبسيه غصباً !!

جسمك اللى كنتى بتغرى بيه الشباب هيبقى فى القبر وجبه غذائيه متكامله العناصر للدود..

اللى كان بيبص عليكى فى الدنيا لو بص عليكى فى القبر هيترعب من منظرك..

ويوم القيامه هيبقى موقفك ايه..؟؟

الرسول بيقول (العنوهن فانهن ملعونات )

يعنى هتطردى من رحمة الله..ازاى؟

يعنى فى عز الحر هتطردى من ظل عرش الرحمن ..

هتطردى من انك تشربى من ايد النبى ..!!!

وهتقابلى ربنا ازاى وتقفي بين ايديه ازاي وتقوليله ايه ساعتها..؟؟؟

ومصيرك هيبقى ايه ساعتها..؟؟

..الى الناررررررررررررر


انتي عارفة يعني ايه النار ؟؟؟؟؟؟؟

يا جماعه الواحد لما بيشوف فرن مولع بيقول الواحد لو دخل هنا هيحصله ايه؟؟

انتى مش عارفه ان شراب اهل النار نار ؟؟

انتى مش عارفه انت طعام اهل النار نار؟؟

انتى مش عارفه انت فراش اهل النار نار ؟؟

يا اختى كابرى فى اى حاجه الا مصيرك؟؟

بايدك تحددى مصيرك ..متتردديش فى القرار

لما الرسول بيقول صنفان من اهل النار ..

انتى عارفه يعنى ايه اهل النار ..

لما واحد يعيش فى بيت كذا سنه بنقول ده من اهل البيت ..

يعنى انتى هتبقى من اهل النار ..

يعنى هتقعدى فى جهنم سنيييييين مش يوم ولا يومين....!!

فى نفس الوقت كان ليكى قصر فى الجنه ضيعتيه من ايدك بتبرجك ..

ايه اللى يستاهل يا اختى..؟؟




انت متخيلى جمالك فى الجنه هيبقى شكله ايه لو اطعتى الله ؟؟

زي ما قولتلك هتبقي اجمل من الحور العين باذن الله

والله يا جماعه المنقبه او المختمره بتبقى ملكه ماشيه فى الشارع ..

ليه تحرمى نفسك من لذه الايمان ..

الحقى اركبى فى قطر التوبه قبل ما يطلع..

فاكرين المرأة اللى جت للرسول تشتكيله الصرع وتطلب منه انه يدعيلها..

قالها اصبرى ولكى الجنه ..قالتله ولكنى اتكشف..يعنى صبرت على الصرع وماصبرتش على انها تتعرى..!!

مع انها مريضه وليها رخصتها ..!!

امال احنا هنعمل ايه اللي بنلبس اللبس ده وبنشتريه بايدينا؟؟؟


قال تعالى :
(وَلَا تَبَرَّجْنَ تَبَرُّجَ الْجَاهِلِيَّةِ الْأُولَى)

انتو عارفين يا جماعه تبرج الجاهليه الاولى يعنى ايه ..؟؟

كان النساء بيلبسو الطرحه فتبان حته من مقدمة رأسها ورقبتها وبس..

ده ربنا قال عليه انه تبرج !!

وعمرنا ما سمعنا ان مراة ابو جهل لبست (بدى) ولا مراة ابو لهب لبست (استرتش)..ولا كانوا يرضوا يلبسوه..!!

المسلمه دلوقتى ميتتعرفش من غير المسلمه من لبسها ....!!

يا اختي ربنا اداكي الجمال وده نعمه منه..ممكن ياخدها منك في اي وقت..

خافي ان ربنا يسحب منك نعمه!!

*********

وعلى العكس تماما ..

لو تكلمنا عن الحجاب الكامل ..

الحجاب يا جماعه عداد حسنات مفتووووووووووووووووح..

المليارات اللى احنا عديناها وانتي متبرجة هتخديها حسنات ..

يا بختك من قربك من الله ..يا بختك يا بختك..!!

(فَأَيُّ الْفَرِيقَيْنِ أَحَقُّ بِالْأَمْنِ إِنْ كُنْتُمْ تَعْلَمُونَ)

يا ترى عايزة تكوني من أي الفريقين ؟؟
المحجبات صح اللي بيحصدوا مليارات الحسنات ؟؟؟
ولا المتبرجات اللي بيحصدوا مليارات السيئات ؟؟؟؟؟
===

طيب ده بابا وماما مش موافقين ..؟؟!
يا أختي دي شطارتك بقى ...زي لما بتبقي عايزة فلوس أو حاجة معينة وبتعملي كل الطرق علشان يجيبوهالك ... تقدري تقنعيهم بإذن الله بالحجاب الشرعي السليم..

هيقولولي إنتي كده بتضيعي شبابك .. إنتي كده بتدفني نفسك .. عيشي حياتك واتمتعي وبلاش تعقيد وتشدد ، وربنا رب قلوب ، وكلام كتير زي كده !!!!!
خدي بالك ..لو صخرة متينة وعمالين نحدفها بالطوب مش هيأثر فيها ..إوعي تسمعي لأي كلمة من أي حد!إنتي اللي على الحق ..ولازم تثبتي .. الناس اللي بتقولك كده مش هيدخلوا معاكي قبرك ولا هيتحاسبوا بدالك ولا هيرضوا يدولك حسنة واحدة يوم القيامة!! دول شياطين إنس ، إوعي تسمعي لكلامهم !

طيب ده زمايلى وأصحابي كلهم هيسبوني ..؟؟!
زمايلك واصحابك ولا ربنا ؟!! .. مفيش وجه اختيار أصلا يا أختى !! اختاري ربك وعمره ما هيضيعك..

طيب ده أنا كده هعنس ومش هتجوز ..؟؟!
مين قال كده؟! ده المنتقبات والمختمرات أكتر ناس بيتجوزوا دلوقتي .. أغلب الشباب بيبص للبنت المتبرجة على انها تنفع للفرجة والمصاحبة وبس..إنما عند الجواز بيختار المحجبة حجاب صح..

طيب ده الناس هتتريق عليا وعلى لبسي ..؟؟!
الناس هتقولك ده اللبس الواسع ده بتاع الستات العواجيز والفلاحين .. بتاع (تيته) و (جدتو) ويتريقوا عليكي..! لازم تستحملي .. وتعرفي إن هييجي اليوم اللي هتتريقى إنتي عليهم وإنتي فى الجنة ..

طيب أنا هغير حجابي بس لما ربنا يهديني..؟؟!
طيب أنتي لما بتبقي مريضة مش بتاخدي دوا ؟؟؟؟؟ لما بتجوعي مش بتاكلي ؟؟؟ لكل شئ سبب ، يعني اللي عايزة ربنا يهديها لازم تاخد خطوات للهداية دي.

بس أنا بحب الموووووضة !! والحجاب الصح هيخلي شكل مش حلو وold fashioned وأنا بصراحة بحب أكون استايل في لبسي و شكلي ؟؟!
عايزين نتفق إن مفيش بنت مابتحبش الموضة واللبس ؛ ربنا خلق المرأة على فطرة حب الزينة والظهور وحب أنها تكون جميلة وجذابة ..بس هل معنى كده إن أنا أمشي ورا شهواتي ..؟؟
لأ طبعاً ..
ده إحنا فى الدنيا هنا فى إمتحان ..
إمتحان هل هنتبع شهواتنا ونسمع كلام الشيطان ولا هنطيع ربنا ونصبر شوية فى الدنيا علشان الجنة ؟؟
قال الله تعالى :
{ الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا } [ الملك:2]

بس أنا اتعاملت كتير مع محجبات ومنتقبات أخلاقهم سيئة جداً وكتير منهم غاوية " منظرة " ؟!
هقولك كل حاجة فيها الكويس والوحش ، وأنا عايزك تلبسي الحجاب الصح وتكوني قدوة ونموذج في الأخلاق، وتقولي للكل تعالوا شوفوا أخلاق المحجبات

بس أنا خايفة اكون قدوة سيئة ، خايفة مثبتش ! أنا عارفة نفسى بتأثر يومين وأرجع تانى !!أنا أصلى بتأثر بصحابى .. يعنى ممكن أظبط الحجاب بس اللبس هيحلو فى عينى تانى وهرجع زى ما أنا؟؟!
طيب وإنتي عرفتي منين إنك هترجعي تانى ؟؟؟؟؟؟؟؟
ياترى بتعلمي الغيب ؟؟؟؟
وبعدين فين ثقتك في ربنا وتوكلك عليه ؟
ليه سوء الظن بالله ؟؟؟؟؟؟؟؟؟؟؟؟
كام واحدة ثبتت؟؟؟؟
كتييييييييييييييييير بفضل الله ..
ليه متقوليش إن ربنا هيثبتك وتدعى بالثبات !!
إنتي عليكي التوبة والبداية وهو سبحانه وتعالى عليه إنه يهديكي ويثبتك ..
قال الله تعالى :
( وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِين ) سورة العنكبوت:69
وإوعي الشيطان يقولك إستني شوية على ما تبطلي كل الذنوب وبعدين تغيري الحجاب ،
ده كله من تلبيس إبليس !!
لأنك حتى لو قعدتي عمرك كله علشان تبقي خالية من الذنوب ، مستحيل هيحصل !!
لسبب بسيط أوي .. لأنك بشر مش ملاك ..
وكل ابن آدم خطاء ، وخير الخطائين التوابون ..

وأى شبهة الشيطان هيجيبهالك علشان تتأخرى فى التوبة لازم تشيليها من نفسك تماما ..

مفيش وقت للتسويف ..اوعي تستني ..!

*************

نيجى لأهم نقطه فى الموضوع ..
وهى


صفات الحجاب الشرعى السليم ..

لبس المرأه بينقسم الى الحجاب والجلباب

الحجاب بمفهومنا اللى هو الحاجة اللى بتغطي الراس

والجلباب يعني اللبس اللى تحت الحجاب او العباية يعني

مينفعش بقى ابقى لابسه حجاب شرعى وجلباب مخالف والعكس..!!

اولا الحجاب:

حجاب فضفاض.. سواء ايشارب كبير أو طرحة كبيرة أو خمار ..أهم شئ يكون :
الحجم: مغطى نصف جسمك اللى فوق كله.. كله!
الشكل: مش مثقوب ولا شفاف ولا مطرز..
اللون : ألوان مش مُلفته،مينفعش يبقى50 لون في
بعض ولا ألوان الطيف مع بعض ولا الكلام ده كله!
ثانيا العبايه :
( عارفه اسدال الصلاه اللى بتلبسيه زيه كده بالظبط )

اصلك واقفه بين ايدين ربنا فى الصلاه ..وفى نفس الوقت انتى برده بين ايديه فى الشارع

يعنى ممكن عباية أو اسدال ..


بس اهم شرط لأي حاجه تلبسيها :

# انها متعرفش اللى يشوفك حجم جسمك ..

يعنى متعرفش حد انك تخينه ولا رفيعه ..

اى حاجه تانيه هتبقى فتنه..!!


يعني مفيش حاجه نهائيا اسمها وسط للعبايه او اي لبس هتلبسيه..!!!

ومينفعش بنطلون اطلاقا ..حتى لو كان اوسع بنطلون في الدنيا !!

وتكون طويله بحيث انه لو قعدتى او ركبتي مواصلات مفيش حاجه من جسمك تبان..

وطبعا قماشتها سمكية مش شفافة..

طب والالوان ..؟؟
البسى اى لون بس اياكى من الالوان المتداخله فى بعضها والفاقعه والوان الطيف الملفته اللى تخطف عين اللى يبصلك..

******
مفسدات الحجاب اللى يجيبو الحجاب بتاعك الأرض

1- االبرفان والروايح بانواعها
2- المكياج بكل انواعه
3- الكعب العالى

اياكي وال 3 حاجات دول ..!!

اياكي!!


****************

وأرجع وأقول زي ما قولتلك في البداية ،
أنا عايزك تفهمي إن غرض الحجاب هو
"ستر الزينة"
وعشان كده فيه شرط مهم جداً مع كل اللي فات وهو:
( أن لا يكون الحجاب زينة في نفسه )
لو فهمتي الشرط ده مش هتلبسي إلا اللبس الصح ..



************************

درجات الحجاب..

1-حجاب المراه الصالحه..

عبايه بنفس المواصفات السابقه وحجاب سواء ايشارب او خمار بنفس مواصفات الحجاب اللى ذكرناها ..

2-حجاب المراه المُصلحه..

النقاب ..بنفس المواصفات السابقه ..
النقاب الحقيقى
اللى فيه تقوى لله عز وجل..
الفقهاء اختلفوا قالو نقاب وخمار..
وانتى فى زمن الفتن واختارى ..؟؟


3-حجاب المراه السابقه..
حجاب الجسم كما ذكرنا بالاضافه اللى الاحتجاب عن الرجال والبعد عن الاختلاط قدر الامكان ..


*****

بنت طيبة هتقول : طيب أنا دلوقتي كنت بلبس بناطيل وبديهات ومكنتش اعرف الكلام ده كله ..
هل لو تبت ورجعت لربنا وغيرت لبسي ، ممكن ربنا يقبلني ويغفرلي؟؟؟
طبعا يا أختي ..بل سيئاتك كلها هتتبدل لحسنات بإذن الله ..ربنا بيقول : إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا [الفرقان: 70] ،

بس انتي خدي القرار ..

مفيش وقت يا أختي..بلاش تسويف ..
محدش عارف هيموت امتى ..؟!
وموت الفجأة شايفين قد ايه انتشر فى
الزمن ده ..!!!
---------------


لو قابلتى ربنا هتقوليله ايه؟؟؟؟؟؟؟؟؟؟؟؟؟؟

هتقوليله كنت مستنيه لما اتخطب وبعدين ابقى اغير لبسى؟؟

ولا هتقوليله الناس كانت هتقول عليا مش شيك لو كنت التزمت بالزي الشرعي؟؟

ولا هتقوليله اصلي مكنتش مقتنعه ..ما هو كله لبس وخلاص!!

مش عايزين خطوات يا مؤمنه يا غاليه ياللى الاسلام عايز يحفظك ويصونك ويخليكي درة ميوصلهاش الا اللى يستحقها..

يعنى مش عايزين حد يقول هلبس الاول بنطلون واسع ..وبعدين جيبه وبعدين ممكن ابقى البس اسدال..!!

اخت هتقول بس انا لو غيرت لبسي مرة واحدة صعب ومش هقدر !

لو تضمني انك تعيشي يوم واحد كمان ..هقولك خدي خطوات براحتك..!

انما محدش فينا ضامن عمره ؟؟؟

لو جالك ملك الموت هتقوليله استنى شوية ؟؟!

كفاية ان ربنا اداكي الفرصة لحد دلوقتي علشان تصححي حجابك.!

عايزين نفوق بقى ونعمل حساب آخرتنا ووقوفنا للحساب امام الله سبحانه وتعالى..!


عايزين تبقى الخطوه الاولى ...خمار مع جونتى..

الخطوه التانيه نقاب ..

الخطوه التالته عريس صالح ..

الخطوه الرابعه الجنه باذن الله ..


خليكى حاسمه ..خدى القرار فورا ..مش عايزين استعباد لشهواتنا اكتر من كده ..

وخليكي فاكرة إنك لو خطيبك أو زوجك قالك إلبسي إسدال أو نقاب هتلبسيه فوراً علشان ترضيه ومتزعليهوش !
فهل رضا خطيبك عندك أفضل من رضا ربك ؟؟؟؟؟!

وخلي الكلمتين دول على طول فى بالك ..

من وجد الله فماذا فقد؟؟؟؟
ومن فقد الله فماذا وجد؟؟؟؟!!


يلا يا اختي نصحح حجابنا ونصلى فروضنا ونرجع لقرآننا و نبدأ حياة جديدة ..
حياة هدفنا الوحيد فيها هو رضا ربنا اللى خلقنا وانعم علينا بنعم لا حصر لها ..
حياة كلها راحة وطمانينة وسعادة ..
شعارنا فيها..
أحلى حياة في طاعة الله..