الحب ومشاكله اللي مبتنتهيش *

من طرف **محمدعادل** الأربعاء أغسطس 22, 2012 8:22 am

الحب .
ياسلام عالحب وحلاة الحب ..
بتدور على واحده تحبها ؟ بتدوري على واحد تحبيه ؟
لقيتي فارس الاحلام ؟ لقيت فرسة الاحلام !!!!!!!

حبيتوا بعض وخلاص الحب دمركم انتوا الاتنين ؟
آآآآه ظلموك يا حب !

اتحدينا كل الصعاب ، واستحملنا الشقا والعذاب ، وفي الآخر خسرت أهلى وأعز ما املك وبعاني من العذاب !!

كلنا إلا من رحم الله عاش الحب الضائع !
عاش لحظات كان فاكرها أسعد لحظات حياته !
ضحى بسمعة أهله واخواته ، عشان حبيبة القلب !
وهي ضحت بسمعتها وأعز ما تملك عشان واحد قال إنه حبيبها !

طيب يا ترى حالكم انتوا الاتنين إيه دلوقتي ؟؟
مبسوطين ؟ قلقانين ؟ تعبانين ؟ متخانقين ؟
المشاكل ملهاش نهاية ! وطريق الحب طلع طريق كله أشواك !!

سنين عدت .. عشتوا فيها اللحظه .. وعشتوا شبابكم ..
انتي عمرك عدا وكبرتي وقطر الزواج قرب يفوتك زي ما بيقولوا عشان آعده في الشباك مستنيه سي روميو ييجي بال BMW تحت البلكونه ويحدف لك وردة !

أكيد تعبتم خلاص ومش قادرين تستحملوا ..
زهقتم ومش قادرين تكملوا !

عارف إنك وعدتها بإنك مش هتتخلى عنها لآخر لحظه في عمركم !
وعارف إنك وعدتيه بإنه أغلى ما عندك ومش هتبعدي عنه ولو على جثتك !

جايين دلوقتي عاوزين حل .. مش قادرين عالمشاكل ..
منكم اللي فاق وعرف إن ده حرام واللعب ببنات الناس باسم الحب ده دَيْن وهيترد من عرضه في يوم من الأيام ..

ومنكم اللي أخد خطوة بالفعل وبعد بس بيعاني مرارة البعد ومش قادر ينسى Sad

أحنا انهارده جايين نساعدكم وبنقول لكم إيدينا ممدوده ليكم ..
وبعلو الصوت بنقول ليكم ..
احنا اخواتكم وكنا في يوم زيكم وربما أسوأ حال منكم ..
والحمد لله عدينا المرحلة دي وبقينا أحسن والفضل كله لله الكريم ..

المواضيع دي هتساعدكم كتير بإذن الله إنكم تتخطوا المرحلة دي من حياتكم وإنكم تفوقوا من الوهم ده ..
هتساعد اللي واقع في الوهم ده ،
واللي موقعش الحمد لله هتديله خبرة أكتر في مواجهة الموضوع لو الشيطان حاول يجر رجله ليه ..

يلا هات إيدك واقبل مساعدتنا ليك ..
بس قبل ما تقرأ .. استجمع قوى قلبك والجأ لربك بالدعاء فهو أقوى سلاح يمكنك استخدامه في مواجهة أي مشكلة في الوجود .
متنساش ربنا قال ( والله يريد أن يتوب عليكم )
ربنا هييسر لك الخير لو انت نويت الخير .
انوي يلا نية طيبة إنك هتتوب وهتقرب منه وتبعد عن كل اللي يغضبه منك .

المواضيع ..

أنا والقلوب ومنتداك !
القراءة للجميع Smile

والمشاركة للبنات وبس .

أنا بس هقوله بحبه وهمشي !!
القراءة للجميع Smile

والمشاركة للبنات وبس .

وقدرت تبعد ؟؟؟؟؟! ‏
:: بحبها .. وفي قلبي ساكن حبها :: ‏

وعد العيون اصدق وعود الحب..! ‏

:: الحب ياسلام :: الحب ده كلام ::

روميو وجولييت .. حصريا على أحلى حياة . ‏

اللي اتكسر يتصلح ... ولكن........!!!

سبتيه / سبتها ...؟؟ بجد تعبان ومش عارف تعمل ايه ؟؟؟

أنــــــآ اتكسـرت خ ـــلآص..!!! ‏

ليتني أعود صفحة بيضاء

أنا خلاااااص تعبت من الحب

ارجوك لا تتزوجنى(تابعونا)

هو الحب حلال ولا حرام ؟!!

عيد الحب معانا شكل تاني....خد فكرة و اشتري بكرة

يوميات شاب عادي

عاوزينك تطلع على بعض المشاكل دي وردوها Smile

الحب .. والمشاكل العاطفية .

وطبعا متنساش لو محتاجنا جمبك في أي وقت قسم التواصل الإيماني مفتوح لك في أي وقت ..
مش هيشوف موضوعك غيرك انت والإدارة ..

التواصل الإيماني,
سجل في المنتدى لو انت مش مسجل ، واعمل موضوع جديد واحنا معاك بإذن الله .

بنحبكم في الله وسعداء بتواجدكم معنا .
دمتم بخير .
والسلام عليكم ورحمة الله وبركاته .